Дзяржаўныя святы
Дзяржаўныя святы, святочныя дні, памятныя і святочныя даты ўстанаўлівае Прэзідэнт Рэспублікі Беларусь.Цяпер дзейнічае Указ Прэзідэнта Рэспублікі Беларусь ад 26 сакавіка 1998 г. № 157 "Аб дзяржаўных святах, святочных днях і памятных датах у Рэспубліцы Беларусь".
У адпаведнасці са змяненнямі і дапаўненнямі Канстытуцыі Рэспублікі Беларусь, прынятымі на рэспубліканскім рэферэндуме 27 лютага 2022 года, дзяржаўныя і святочныя дні ўстанаўлівае Усебеларускі народны сход.
Дзяржаўныя святы ўстанаўліваюцца ў азнаменаванне падзей, якія маюць асаблівае гістарычнае або грамадска-палітычнае значэнне для Рэспублікі Беларусь, якія аказалі істотны ўплыў на развіццё беларускай дзяржавы і грамадства.
Святочныя дні ўстанаўліваюцца ў азнаменаванне іншых падзей, прысвечаных традыцыйным датам, ушанаванню работнікаў пэўнай прафесіі, галіны гаспадаркі або сферы дзейнасці і г.д.
Памятныя даты звязаныя з іншымі гістарычнымі падзеямі ў жыцці дзяржавы і грамадства альбо традыцыйна адзначаюцца асобнымі катэгорыямі грамадзян.
Святочныя даты - гэта традыцыйна адзначаныя значнай колькасцю грамадзян падзеі, якія не надзяляюцца ў Рэспубліцы Беларусь афіцыйным статусам дзяржаўнага свята, святочнага дня або памятнай даты.
Дзяржаўныя святы
Дзень Канстытуцыі - 15 сакавіка; Дзень яднання народаў Беларусі і Расіі - 2 красавіка; Дзень Перамогі - 9 мая; Дзень Дзяржаўнага флага, Дзяржаўнага герба і Дзяржаўнага гімна Рэспублікі Беларусь - другая нядзеля мая; Дзень Незалежнасці Рэспублікі Беларусь (Дзень Рэспублікі) - 3 ліпеня; Дзень народнага адзінства - 17 верасня.
Агульнарэспубліканскія святочныя дні
Новы год - 1 і 2 студзеня; Дзень абаронцаў Айчыны і Узброеных Сіл Рэспублікі Беларусь - 23 лютага; Дзень жанчын - 8 сакавіка; Свята працы - 1 траўня; Дзень Кастрычніцкай рэвалюцыі - 7 лістапада.
Рэлігійныя святочныя дні
Ражджаство Хрыстова (праваслаўнае Раство) - 7 студзеня; Вялікдзень - па календары праваслаўнай і каталіцкай канфесій; Радаўніца - па календары праваслаўнай канфесіі; Дзень памяці - 2 лістапада; Каляды Хрыстова (каталіцкія Каляды) - 25 снежня.
Іншыя святочныя дні
Дзень спажыўца - 15 сакавіка; Дзень сям'і - 15 траўня; Дзень аховы навакольнага асяроддзя - 5 чэрвеня; Дзень моладзі і студэнцтва - апошняя нядзеля чэрвеня; Дзень ведаў - 1 верасня; Дзень беларускага пісьменства - першая нядзеля верасня; Дзень міру - 21 верасня; Дзень пажылых людзей - 1 кастрычніка; Дзень маці - 14 кастрычніка; Дзень бацькі - 21 кастрычніка; Дзень інвалідаў - 3 снежня; Дзень правоў чалавека - 10 снежня; Дзень беларускага кіно - 17 снежня.
Памятныя даты
Дзень памяці воінаў-інтэрнацыяналістаў - 15 лютага; Дзень чарнобыльскай трагедыі - 26 красавіка; Дзень усенароднай памяці ахвяр Вялікай Айчыннай вайны і генацыду беларускага народа - 22 чэрвеня.